我的BB亦是參賽BB之一, 其實名次好閒, 我同其他家長一樣,都係希望將自己BB最可愛的相片,

同其他家長或網友分享. 但我最近發現有參賽家長"作弊", 往往可以在半夜時段, 並在短短30分

鈡內, 票數暴升百多票, 有無其他家長發現呀 ? 一齊去討論區傾吓 !

 

以下係Baby.org.hk網站人員的回覆 :

多謝閣下寶貴的意見及對本站的支持。
 
本站一直堅持為會員提供一個良好的比賽環境，希望會員公平地進行的競賽。為此，本站作了一個技術上的設定，限定每天每個IP只可以投一次票，這亦是很多同類比賽所採用的措施。
 
對於懷疑有會員不誠實一事，本站亦甚為關注，因為不誠實行為會嚴重影響其他參加者。本站鼓勵會員將事情放在討論區，讓更多人參與討論，希望在會員監察及參與下，比賽可以更公平的情況下進行。
 
本站再次感謝閣下的意見。希望閣下繼續支持本站，因為你寶貴的意見對於本站不斷進步是非常重要的。
 

--
親親寶寶baby.org.hk

大家都係想同人地share 自己bb嘅相啫!

我發現左好耐啦, 都留過言話佢(作弊), 叫佢咪以為無人知, 但又點喎,

佢咪一樣晚晚造票, 有時半夜11點幾開始, 最近就12點幾開始. 平日得

個幾票, 一到夜晚就多100幾票, 係人都知佢造票啦. 但又點喎, 網站d人

都唔理, 可以點喎 !

本人已先後發過4次傳真給網站負責人, 並多次提及有會員"造馬" 及"造票". 早在兩星期前已點名提及其中

一會員的票數有問題, 當時她的票數是320票, 但流覽次數只有70多次, 平均每日以70-80票增長. 經投訴後

她的票數明顯減慢, 兩日只有19票的增長, 但流覽次數激增, 多了約130次. 真的太神奇了 ! 本人懷疑有人"通水".

 過了好幾天, 造票情況又再出現, 以上星期的情況最厲害,平均在午夜後的一小時內都有約100票或以上的增長.

本人估計她打算打破以往的記錄吧 !

本人已多次聯絡網站負責人, 希望她們能作出改善的方法, 不要讓奸人得逞, 可惜到今日為止網站負責人都未有

妥善的安排.

本人現在宣報,造票者以過千票的票數榮登2月份及3月份的冠軍BB, 恭喜 !

你哋慳返啖氣好過啦 ! 無人敢出聲架 ! 網站d人又唔理, 你睇吓答得你幾"行" 就知啦 !

"本站鼓勵會員將事情放在討論區，讓更多人參與討論，希望在會員監察及參與下，比賽可以更公平的情況下進行。",

有無人留意到個討論區都係一個問題, 其次, 唔係個個參賽家長都敢出聲架 ! 而且網站d人又唔理, 人哋家吓咪一樣以

最高票數勝出,

唉 ! 算啦 ! d咁無管理的網站, 我都懶得再參加啦 !

多謝會員積極發言，希望大家能提意解決方法，讓本站集思廣益，作出更好的決定。

---

親親寶寶 Baby.org.hk
全港最專業的孕婦育兒資訊站，為全港媽咪打氣！

www.baby.org.hk
www.facebook.com/Baby.org.hk

講真當我知第一同第二都係流票既時候 , 我覺得係冇意思了
我要勝出幾千票都有啦,有幾難 轉ip 者 , 因為最重要係我好清楚自己個bb係得唔得 , 同一二名一齊出黎玩次公平比分,我個bb 一定唔會輸 囉 ,佢地咁鐘意卮自己咪由佢地囉
哈哈  咪當玩下算了

如果真係可以作公平比分, 我個BB都一定唔會輸囉.

如果早D識你就好啦,可以教我用什麼轉IP, 咁我個BB就唔洗一連3個月都輸比同一個BB啦 ! 

恭喜造票者最終榮登12月份, 1月份 及 2月份的總冠軍

hksamsam如果你真係有轉IP方法, 又可以勝出幾千票,咁你應該用呀, 我支持你. 最好順便公告

天下轉IP的方法 .等你個BB都可以榮登每月冠軍, 咪等D人以為得佢個BB可以做每月冠軍. 反正

只要票數最高就可以做冠軍. 實唔實至名歸都無所謂. 輸比佢你服咩 ?

hksamsam知道你今個月都有參加比賽, 咁就等睇你表演啦 !

其實我覺得比個邊BB勝出都無問題, 就係輸比"個個"就唔順囉, 如果佢唔係造馬, 邊有人投佢呀,

1月份1至3名都係佢 ??????有無人信呀 !

其實你表演吓都好架, 咪等個D網站的高層只會講"以作出技術上的設定，限定每天每個IP只可以

投一次票，這亦是很多同類比賽所採用的措施。" 明知唔WORK就想下辦法啦, 或者再規定投票

的時候, 一定要入會員編號等, 除非D人得閒到開一百幾十個會員編號啦. 又或者要達到一定的流覽

時間先可以投票, 如果D人無聊到咁都無辦法啦.

hksamsam反正你都當係玩下, 咁就玩盡佢啦, 最高票數個個有4千幾票, 你快d打破佢啦 !

hksamsam為左支持你, 我已經將我的一票投左比你個BB

hksamsam 你個 BB 係咪即係 ccleung 個BB呀 .

今次張相無上次個D相咁靚喎. 轉過張啦.

我第一日登時, 不停叫朋友幫手投票. 初時第一, 第二名都唔係拉得好遠. 點知過左一晚, 佢地2個突飛猛進既票數.. 我唔相信可以一個bb 一晚有百幾人投票. 我已經叫哂我身邊既朋友. 朋友又叫佢地既朋友. 都係得幾十票. 仍然第一, 第二名可以一晚幾個鐘內有咁多票. 網站都冇人理會. 只係比d "行"既答覆. 咁我地登自己bb 既相黎投票為咩呢.. 有人造票就冇人理. 公平投票就比人控制一日一票..

ccleung, 由我第一日登相開始, 我都係四圍咁叫d朋友幫手投票, 我連大陸廠都d同事都唔放過, 但我都未試過一晚有百幾票囉 ! 而且我都投訴左好多次, 但網站d人都係唔理囉, 我有叫佢哋取消2月份的賽果架, 以下係我其中一次投訴的內容:

"既然貴網站甚為關注有會員不誠實一事, 那到底你們有何對策呢 !只是關注是沒用的, 要有實際行動. 除了限定每天每個IP只可以投一次票, 並需要限定只有是會員才可以投票. 既然都知道賽果及票數有問題, 是否需要取消2月份所有參賽者的票數, 由3月份從新開始呢 ? 你們怎能讓作弊者要風得風, 要雨得雨呀 ! "

 以下係網站的回應 :

謝謝你積極的回應，亦明白你的感受。解決問題可以有不同類型的方法，本站建議讓各會員參與閣下提出的討論，爭取會員的意見，集思廣益，以便本站從善如流。再一次感謝你的意見。

親親寶寶baby.org.hk

我覺得如果真係想網站D人去正視造票的問題, 你可以將轉IP的方法通知埋其他家長, 等大家一齊"造票",咁網站D人先會知道改進囉 !

 

 

Carrian 算吧啦..

lee個網一ｄ都唔會理會我地.. 只會比d 咁既求其說話比我地聽就算.. 所以投訴都係冇用既..